சேனையூர்க் காவியம்

சேனையூர்க் காவியம்

அவையடக்கம்

ஆழி சூழ் உலகனைத்தும் அருட் கொடை இயற்கையன்றோ

மேழியை கைப் பிடித்து மேன்மை கொள் உலகமெல்லாம்

ஏழையோன் நானுமிங்கு இன் கவி பாட வந்தேன்

சேனையூர்க் காவியத்தை செப்புவேன் வாழ்த்து வேண்டி

வாழ்த்து

முன் பழம் காலம் முதல் தமிழ் முது குடி நாங்கள் இங்கு

என்னரும் தந்தையரும் தாய் வழி குடி முறையும்

பன்னெடும் காலமதாய் எங்கள் பன்பாட்டு பூமியிது

மன்னவன் எல்லாளன் மகிழ்ந்திட்ட சோலையிது

குளக்கோட்டன் வழி முறையும் கோணேசர் குடி முறையும்

வளமைகள் பல நூறு வாழ்ந்திடும் பொன்னூரு

இளமைக்கு இளமயதாய் முதுமைக்கு முதுமையதாய்

வளமுடை சேனையூரை பாடுவோம் காவியமாய்

ஆற்று நீர் ஓடி வந்து அழகுற பாய் விரிக்கும்

சேற்றிலே கால் பதிக்க சென்னெல் விழைந்திருக்கும்

காற்றிலே இசை மணக்கும் கவிதையும் சேர்ந்திருக்கும்

சோற்றிலே விருந்தோம்பி சுகம் பெறும் எம்மூரே

வேற்றுமை மறந்திடுவோம் வெற்றிகள் நாம் சுவைப்போம்

சாற்றிடும் கல்வியதை சகமெங்கும் பரப்பிடுவோம்

போற்றிடும் சேவையிங்கு மத்திய கல்லூரி கூடமது

ஏற்றிடும் சேனையூரை என்றுமே வாழ்த்தி நிற்போம்

களம்

மேகம் கூடிமழை பொழிய மின்னல் வந்து ஒளி படர

தென்னம் பழங்கள் தானுதிர சிந்தும் பூக்கள் கோலமிட

மந்தைகள் கூடி ஓடியெள மானினம் கண்டு மிரள் கொள்ள

சிந்தை மகிழ்ந்து களி கொள்ள அறிந்தேன் வாழி சேனையூரே

குன்றின் அழகு கூடி வர கொடி முல்லையெங்கும்பூத்திருக்க

கறி மூடி மலை காடடைய கணங்குடா வெளியில் நாற்று நட

சிறுக்களி ஓடையில் தோணி விட சிரித்து சிரித்து நாம் மகிழ

மெதுக்கால் நண்டு கண்ணசைய அறிந்தேன் வாழி சேனையூரே

ஊற்றடி மூத்த ஊராமே உயரிய வரலாறு அதுவாமே

காற்றடித்து அலையடிக்கும் கரச்சை வெளியில் நிலவெறிக்கும்

பார்த்து நின்று மகிழ் கொள்வோம் படர் மலையின் சுவடுகளில்

நேர்த்து நிற்கும் வதனமாரை அறிவேன் வாழி சேனையூரே

புளிய மரத்து கிளைகளிலே ஊஞ்சல் கட்டி ஆடிடுவோம்

கெளிய கெளிய பலகையிலே ஊசல் பாட்டு பாடிடுவோம்

கிளித் தட்டு மறித்திடுவோம் கிட்டிப் புள்ளும் ஆடிடுவோம்

சளிய சளிய சிரட்டை பந்து அறிவேன் வாழி சேனையூரே

பொங்கல் வந்தால் எங்கள் ஊர் புதிய கோலம் கண்டு நிற்கும்

எங்கும் வெள்ளை மணல் பரவும் இருள் அகல ஒளி பிறக்கும்

கோலமிட்ட மேடையிலே தைப் பொங்கல் அழகு பெறும்

ஞாலமெங்கும் புகழ் கொண்ட அறிந்தேன் வாழி சேனையூரே