கல்லும் உருக கவி பாடும் சம்பூர்

கல்லும் உருக கவி பாடும் சம்பூர்


வில்லுக் குளமும்
விரிந்த வயல் வெளிகளும்
சொல்லும் புலவனும்
கல்லும் உருக
கவி பாடும் சம்பூர்

கோணேசர் கல்வெட்டு
குறித்த நியமங்கள்
குடிவழி முறமைகளால்
கொண்டாடும் நல்லூர்
கற்கால மனிதர்களின்
வாழ் தடங்கள் கொண்ட
நெற்கதிர்கள் கோலமிடும்
வல்லூராம் இவ்வூர்
கடலின் அழகும்
கால் பதிக்கும் தோனாக்களும்
மடல் வாழை முத்தமிட
நெடும் தாழை
மலர் விரிய
கடம்ப மலர் சொரியும்
காராளர் பதியிதுவாம்
காளி புடை சூழும்
காட்டுத் தேங்காய் மரமும்
கதை சொல்லும்
ஊழித்தாயின் ஒளி பெற்று
வாழ்வு சிறக்கும் நன்னூர்

புரட்சிகர தோழர்கள்
இங்கிருந்து புறப்பட்டார்
எழுச்சியுறு வீரத்தால்
ஈழக் கனவில்
காவியமாய் கரைந்திட்டார்