நினைவுப் பெரும் கடல் நீ

நினைவுப் பெரும் கடல் நீ
எங்கள் மகள் அனாமிகாவின் முப்பதாவது பிறந்த நாள்.17.04.2020
வாழ்வெனும் பெரும் கடலில்
நினைவெனும் நீள் கடல் நீ
உணர்வொளியாய் என்னுள்ளிருந்து
கனன்றிடும் பெரு நெருப்பு நீ

நீ கையசைத்து காலசைத்து
கண் சிமிட்டி மென்னிதழ் விரித்து
பொன் வாய்ப் புன்னகையால்
உலகளந்த நாள் இன்று
வண்ணம் கொண்டாய் வடிவு கொண்டாய்
எண்ணமெல்லாம் எனை அசைத்து நின்றாய்
பொன் மகளாய் பூவுலகில் பூத்த நாள் இன்று
பார்த்த விழி பூத்திருக்க நீ செல்ல மகளாய் வந்த நாள் இன்று
சித்திரமும் தோற்று விடும் உன்
செல்ல விழிப் பார்வை
எத்தினமும் நான் தோற்று விடும் உன்
அன்பு மொழி சிணுங்கல்
கை வழியாய் இசை சொல்லி கண் மொழியாள் காதை நீ
கால் சலங்கை வழி வந்த என்
பெரும் காதை நீயடியோ
இந்த நாள் மட்டுமல்ல
எந்த நாளும் எனக்கு
உன் பிறந்த நாள் தான்

+23

Co