கூர் நெல் விளையும் கூனித் தீவு

கூர் நெல் விளையும்
கூனித் தீவு

கூனி வளைந்து
கூர் நெல் விளைந்து
வான் பொய்ப்பினும்
தான் பொய்யா
வில்லுக் குளத்தின்
விழியாய் நீண்ட
சொல்லும் செயலும் ஒன்றாய் வாழும்
மாண்புடை மனிதம்
கண்டு மகிழும்
எங்கள் கூனித்தீவு

வெள்ளை கல்லும்
காலடி கொண்டு
வரலாற்று முகத்தை
தன்னுடன் கொண்ட
பண்புடைத் தமிழர்
பண்டை தொட்டு
தொன்மம் மாறா
நன்புடை கொண்ட
அன்புடை மாந்தரின்
ஆதர்ச பூமி
எங்கள் கூனித் தீவு

கமுகும் வாழையும்
கனி தரும் பலாவும்
தென்னையொடு சாய்ந்து
தெருவெங்கும்
இனிக்க இனிக்க
பேசி மகிழ்ந்து
உபசரிப்பின்
உச்சம் தொட்ட
ஈழத் தமிழர்
வீரம் தொட்ட
எங்கள் கூனித் தீவு
குளங்களின் கொடையும்
குடி முறை வாழ்வும்
வகுத்துக் கொண்டு
வளமுடை நெறியில்
வரலாற்றில் சொன்ன
கோணேசர் கல் வெட்டின்
வளமை கொண்ட
இளமை மாறா
எழிலுடையூராம்
எங்கள் கூனி தீவு
ஏத்துக் கட்டி
நீர் இறைத்து
மாத்து நெல்லு
தான் விதைத்து
சோறுடைத்து
சொற்கம் கண்ட
வீறு கொண்ட
மறவர் போற்றும்
பேறு பெற்ற
எங்கள் ஊராம்
கூனித்தீவு என்னும் பேராம்