காதல் எனும் பெரு மழை

காதல் எனும் பெரு மழை
மழை பெய்யும் போதெல்லாம்
இனம் புரியாத இன்பம்
தலைக்கேறும்
காதல் தலைக்கேறும் போதெல்லாம்
பெருமழையாய் பிரவாகம்
எடுக்கும்

எல்லோருக்கும்
காதல் வரும்
வரையறைகள் தாண்டி
வானமே எல்லையாக
காதல்
வாழ்வில்
மகிழ்ச்சிக்கான திறவுகோல்
சந்தோசப் பூக்கள் பூக்கும்

மலைகள் தாண்டி
பூப்பறிக்க சொல்லும்
மண்ணை கிண்டி
முத்தெடுக்க வைக்கும்
விண்ணில் பறக்க வைக்கும்
வண்ணாத்திப் பூச்சியின்
சிறகடிப்பில்
காதலின் சொற்கள்
கவிதையாகும்
மழையில் நனைந்து
கை கோர்த்து களிப்பில்
மிதக்க வைக்கும்
காதலின் சுவை
சுவைக்க சுவைக்க
போதை தரும்
காதலே காமமாய்
காமமே காதலாய்
மாறும் என்பது
உலக நியதி
உயிரில் கலந்து
உணர்வில் ஊறி
உயிர்த்தெழுவது
காதல்
நிலவில் பேசும்
கனவில் கலந்திடும்
மனதில் உறைந்திடும்
மாயா ஜாலம் காதல்
அவள் கண்ணில்
அவள் சொல்லில்
அவள் செயல்களில்
அர்த்தம் புரியாமல்
சுற்ற வைக்கும்
சூத்திரச் சொல் அது
காதலே வா
இந்த ஊழி முடியும்வரை
என்னோடு இரு
ஆதலால் காதல் செய்வோம்