மனம் பூக்கும் மல்லிகைத் தீவு

மனம் பூக்கும் மல்லிகைத் தீவு

மனமெங்கும் பூப் பூக்கும்
மல்லிகைத் தீவு
இனமான வீரர்களின்
இன்பப் பூ ஊர்

குளக்கோட்டன் கல்வெட்டில்
சொல்லி வைத்த சூத்திரங்கள்
வரலாற்று வளமைகள்
வழி வழியாய் ஆட்சி பெறும்
சுற்றிவர வயல்கள்
சூழ்ந்திருக்கும் நெற்காடு
தாமரையும் அல்லியும்
தளிர்ந்திருக்கும் பூக்காடு
பட்டுத் தெறித்திடும் பவளமல்லியும்
விட்டு விரிந்திடும் வெண் முல்லையும்
இந்த மண்ணின்
எழில் சொல்லி பூத்திருக்கும்
மும்முடி சோழ மண்டலத்து
வளநாட்டின் வரலாறாய்
திருமங்களேஸ்வரமாய்
சிறப்புப் பெறும் திருவூர்
தயிரோடு சோறிவர்க்கு
தணியாத விருந்தோம்பல்
எப்போது சென்றாலும்
இன்முகத்து பொன் தூவல்

கண் நீளும் இடமெல்லாம்
எல்லையில்லா நீர்க் கோலம்
வரைவிலா அழகாலே
தான் பொய்யா ஊர் கோலம்