மத்தள மலை

மத்தள மலை



மத்தள மலை
எங்கள் மலையே
தமிழர்
மதிப்புறு வரலாறும் அதுவே

செத்திடும் போதிலும்
காப்போம்
சொத்தென போற்றி
வாழ்வோம்

செப்பிடும் கல்வெட்டுக்கள்
எம் சீரான வரலாற்றை
சொல்லும்
கொட்டியாரத்து மன்னர்கள்
கொடி கட்டி ஆண்ட
எங்கள் நிலம்
குளக்கோட்டு மன்னனும்
கோணேசர் கல் வெட்டும்
முந்தய வரலாறு

எந்தையரும் முந்தையரும்
முடிவிலா வரலாறாய்
வாழ்ந்த இடம்
சொந்தம் கொண்டாட
சூழ்ச்சியின் ஆட்சி
வெந்திட வைப்போம்
முன்னைக்கு முன்னோர்
மூதாதையரின்
செந்தமிழ் பூமியிது
குடை வரை கண்ட
கோணேசர் நியமங்கள்
சொன்னபடியான சொந்த நிலமிது
பல்லாயிர வருச பழைமயில்
வழமை மாறா
தமிழர் நிலமிது
ஆசையயை அறுத்து அமைதி கண்ட
புத்தனின் பெயரால்
போக்கிரி ராஜாங்கம்